چهارشنبه 9 اسفند 1402

14 August 2023

موصل میں داعشی دھشتگردوں کے متعدد حملے ناکام

موصل میں داعشی دھشتگردوں کے متعدد حملے ناکام


عراقی فوج اور عوامی رضاکار فورس کے جوانوں نے موصل میں داعشی دہشت گردوں کے متعدد حملوں کو ناکام بنادیا ہے۔

عوامی رضاکار فورس حشدالشعبی کے ایک کمانڈر جواد طلیباوی بتایا ہے کہ پچھلے چندر روز کے دوران مغربی سیکٹر سے داعش کے متعدد حملوں کو ناکام بنا دیا گیا ہے۔ انہوں نے کہا کہ داعش کے قبضے سے آزاد ہونے والے علاقوں میں عوامی رضاکار فورس کے جوانوں کی بھرپور موجودگی کے باعث دہشت گرد ان علاقوں کو واپس لینے میں ناکام ہوگئے ہیں۔

عراق کی عوامی رضاکار فورس، حکومت عراق کی اجازت سے قانونی طور پر داعش کے خلاف جاری فوجی آپریشن میں حصہ لے رہی اور اب تک متعدد علاقوں کو آزاد بھی کراچکی ہے۔ عراق کے وزیراعظم حیدر العبادی نے سترہ اکتوبر کو صوبہ نینوا میں داعش کے خلاف بڑے فوجی آپریشن کا حکم دیا تھا جس میں عراقی فوج، عوامی رضاکارفورس اور کرد پیش مرگہ ملیشیا کے ساٹھ ہزار جوان حصہ لے رہے ہیں۔