logo logo
  • تاریخ انتشار:‌ 1396/02/17 - 12:00 ق.ظ
  • چاپ
Gürcüstanda “Xilaskarın intizarı” adlı elmi konfrans keçirilib

Gürcüstanda “Xilaskarın intizarı” adlı elmi konfrans keçirilib

Gürcüstanda “Xilaskarın intizarı” adlı elmi konfrans keçirilib

Bu gün, Gürcüstan Müsəlmanları İdarəsinin və “Alulbeyt” Dini Mədəniyyət Mərkəzinin birgə təşkilatçılığı ilə Tbilisidə "Xilaskarın intizarı - İslam məzhəblərində" mövzusunda elmi konfrans keçirilib.

Din, elm və ictimaiyyət xadimlərinin qatıldığı konfransda Gürcüstan Müsəlmanları İdarəsinin şeyxi, müftisi və İran və Azərbaycandan dəvət olunan alim, şair və məddahlar iştirak etmişdir.
Konfransın aparıcısı Kərbəlayi Pərviz Abdullayev konfransın məram və məqsədini söylədikdən sonra Qurani-Kərimin tilavəti üçün sözü Vidadi Qurbanova verilib. Sonra Gürcüstan Müsəlmanları İdarəsinin şeyxi Hacı Ramin İgidov İmamət məqamının hər zaman üçün olduğunu və zəruriliyini bir neçə ayə və hədislərə əsasən açıqlayıb. Ardınca, Şərqi Gürcüstanın müftisi Hacı Yasin Əliyev əhli-sünnə mənbələrinə əsasən müəyyən fərqli nəzəriyyələr olsa da Hz. Mehdi (ə) inancının haqq olduğu və xilaskarın intizarında olmanın əhəmiyyətindən danışıb.

Daha sonra Hz. Mehdi (ə) adına Araşdırma Mərkəzinin sədri Pur Seyyid Ağayi və Ayətullah Seyyid Əli Xameneinin nümayəndəsi Seyyid Əli Əkbər Ocaq Necat gözəl bəyanı ilə aləmin və zamananın imamı və vəd olunmuş xilaskar Hz. İmam Mehdinin (ə) zühurunun fəlsəfəsi, intizarın sirr və əhəmiyyəti və İlahi əmrin hər iki məzhəb mənbələrində qeyd olunması haqda geniş söhbət etmişdir. Onlar qeyd etmişlər ki, son xilaskarın Peyğəmbərimizin (s) Əhli-beytindən, pak nəslindən olması və Qiyamətdən öncə zühur edərək zülmlə dolmuş dünyaya ədalət, sülh və xöşbəxtlik bəxş edəcəyi məsələsində bütün İslam alimləri və məzhəbləri yekdilliklə həmfikirdilər.

Sonda Qafqaz Müsəlmanları İdarəsinin nümayəndəsi Hacı Əli Əliyev təbriklərini və konfransla bağlı fikirlərini çatdırıb.
İki saat sürən konfrans, tanınmış Əhlibeyt şairi Ustad Qəffarinin İmam Zaman (ə) haqda öz şeirlərini oxumasından sonra İmam Zaman (ə) duası ilə sona çatıb.

 

مطالب مشابه