logo logo
  • تاریخ انتشار:‌ 1395/12/29 - 12:00 ق.ظ
  • چاپ
Marneulidə Hz. Zəhranın (ə) mövludu münasibətilə möhtəşəm tədbir keçirilib

Marneulidə Hz. Zəhranın (ə) mövludu münasibətilə möhtəşəm tədbir keçirilib

Marneulidə Hz. Zəhranın (ə) mövludu münasibətilə möhtəşəm tədbir keçirilib

Marneulidə yerləşən N. Nərimanov adına Mədəniyyət evində Həzrət Peyğəmbərimizin (s) əziz qızı, imamət anası, Xanımlar xanımı Fatimeyi-Zəhranın (s.ə) mübarək mövludu münasibəti ilə bayram tədbiri keçirilib.

Din, ictimaiyyət, dövlət rəsmiləri və şəhərin sakinlərinin toplaşdığı tədbirdə Gürcüstan Müsəlmanları İdarəsinin şeyxi Hacı Ramin İgidov, Qərbi Gürcüstanın müftisi Hacı Beqlar Kamaşidze, ölkəmizdə səfərdə olan Tehranın imam cüməsi Ayətullah Kazim Siddiqi, İİR-nın səlahiyyətli səfiri Seyyid Cavad Şəhidi, Dini Məsələlər üzrə Dövlət Agentliyinin sədri Zaza Vaşakmadze, Marneuli rayon icra hakimi Merab Topçişvili, yerli ruhanilər, alimlər və digər məsul şəxslər də iştirak ediblər.

Tədbirin aparıcısı Azər Məmmədov Quran tilavəti ilə tədbiri açıq elan etdikdən sonra təbrik və çıxış üçün sözü qonaqlara verimişdir. Bayram tədbirində çıxış edən Ayətullah Kazim Siddiqi, BGMİnin şeyxi Hacı Ramin və müftisi Hacı Beqlar, Marneuli rayonunun baş axundu Hacı Əziz Nəbiyev İki dünya xanımı Hz. Zəhranın (s.ə) fəzilət və məqamından, o xanımın örnək həyatından geniş söhbətlər etmişlər. Dini Məsələlər üzrə Dövlət Agentliyinin sədri Zaza Vaşakmadze və Rayon İcra hakimi Merab Topçişvili müsəlmanları əziz bayram günləri münasibəti ilə təbrik edib, Hz. Fatimə (s.ə) və Hz. Məryəmin oxşar nümunəvi üstün cəhətlərindən və nümunəvi xüsusiyyətlərindən söz açıb, Gürcüstanın dini təqvimində Hz. Fatimeyi Zəhranın (s.ə) üstün məqamına görə onun təvəllüd gününün “Müsəlman qadınlar bayramı” kimi qeyd olunduğuna işarə etmişdir.

Tədbir Səid Həsənin ifasında Hz. Fatimeyi Zəhra (s.ə) haqqında şeirlərlə davam edib. Sonda Marneuli Əhlibeyt Cəmiyyətində keçirilən kitab oumaq yarışının qaliblərinə hədiyyələr təqdim olunub. Nəhayət iki saatlıq tədbir "Fərəc" duasından sonra bayram süfrəsi ilə yekunlaşıb.

 

مطالب مشابه