ایران کے مغربی شہر کرمانشاہ میں جمعے کی رات ختم ہونے والے فری اسٹائل کشتی کے عالمی کپ کے فائنل میں ایران نے امریکا کو آٹھ میں سے پانج مقابلوں میں شکست دے کرشاندار فتح حاصل کی-
فائنل میچ میں مختلف وزن میں آٹھ مقابلے ہوئے جن میں پانچ میں ایران نے کامیابی حاصل کی اور امریکا نے تین مقابلے جیتے- اس طرح ایران کی فری اسٹائل کشتی ٹیم نے عالمی کپ ایک بار پھر جیت لیا -کرمانشاہ کے عالمی کپ میں امریکا نے دوسری اور جمہوریہ آذربائیجان نے تیسری پوزیشن حاصل کی فری اسٹائل کشتی کے پینتالیسویں عالمی مقابلے جمعرات کی صبح ایران کے مغربی شہر کرمانشاہ میں ہوئے تھے جن میں دنیا کی آٹھ ٹیموں نے حصہ لیا -
فری اسٹائل کشتی کے عالمی کپ میں شریک ٹیموں کو دو گروپوں میں تقسیم کیا گیا تھا - پہلے گروپ میں امریکہ ، روس ، جمہوریہ آذربائیجان اور جارجیا کی ٹیمیں تھیں جبکہ دوسرے گروپ میں ایران ، ترکی ، ہندوستان ، اور منگولیا کی ٹیمیں شامل تھیں - ایران کی فری اسٹائل کشتی کی قومی ٹیم اس سے پہلے انیس سو چھیانوے میں تہران میں دوہزارچھے میں ساری میں ، دوہزار بارہ میں باکو میں ، دوہزار تیرہ میں تہران میں ، دوہزار چودہ ، پندرہ اور سولہ میں امریکہ کے شہر لس آنجلس میں ہونے والے فری اسٹائل کشتی کے عالمی مقابلوں میں پہلا مقام حاصل کرچکی تھی جبکہ گیارہ بار دوسری پوزیشن حاصل کرنے میں کامیاب رہی ہے-
