صدر مملکت 'حسن روحانی' نے جرمنی کو یورپ میں اسلامی جمہوریہ ایران کا پہلا تجارتی پارٹنر قرار دیتے ہوئے کہا ہے کہ دونوں ممالک کے پاس مختلف شعبوں میں دوطرفہ تعاون کو بڑھانے کے لئے اچھی صلاحیتیں موجود ہیں.

ان خیالات كا اظہار صدر حسن روحانی نے ہفتے كے روز ایران میں تعینات نئے جرمن سفیر كے ساتھ ایك ملاقات میں گفتگو كرتے ہوئے كیا.

اس موقع پر جرمن سفیر 'مكائیل كیلور بریشتولڈ' نے اپنی اسناد تقرری ایرانی صدر كو پیش كیں.

ایرانی صدر نے جوہری مذاكرات كے دوران جرمنی كے مثبت كردار كو سراہتے ہوئے اس بات كا مطالبہ كیا ہے كہ جرمنی، ایران جوہری معاہدے كے مكمل اور صحیح نفاذ كے لئے اپنا كردار ادا كرتا رہے.

انہوں نے كہا كہ ہم تہران،برلن تعلقات كی مزید توسیع كا خیرمقدم كرتے ہیں اور ہم سمجھتے ہیں جوہری معاہدے كے نفاذ سے دونوں ممالك كے بینكنگ اور انشورنس شعبوں میں تعلقات كو مزید فروغ ملنا چاہئے.

حسن روحانی نے بتایا كہ جرمن كمپنیوں ایران كے تكنیكی و انجینئرنگ كے منصوبوں اور ریلوے لائن و پاور پلانٹ كی تعمیر میں مزید حصہ لیں.

ایران اور جرمنی كے درمیان قریبی ثقافتی تعلقات كا ذكر كرتے ہوئے بتایا كہ دونوں ممالك فنكاری، سائنسی، ثقافتی اور یونیورسٹی شعبوں میں بھی دوطرفہ تعاون كو فروغ دیں.

اس موقع پر نئے جرمن سفیر نے كہا ہے كہ ان كا ملك ایران جوہری معاہدے كے مكمل نفاذ كے لئے اپنا كردار ادا كرتا رہے گا اور اس حوالے سے ہم اسلامی جمہوریہ كے ساتھ دوطرفہ تعلقات كو مزید بڑھانے كے لئے بھی پُرعزم ہیں.

انہوں نے بتایا كہ جوہری معاہدے كے مكمل نفاذ سے نہ صرف ایران،جرمن تعلقات كے لئے فائدہ مند ہے بلكہ اس سے خطے اور بین الاقوامی برادری كا بھی فائدہ ہے.

انہوں نے مزید كہا كہ جرمن شہر ہیمبرگ میں ایران كے لئے ایئربس جہاز تیار كیا جارہا ہے اور یہ بھی جوہری معاہدے كے نفاذ كی ایك علامت ہے.

جرمن سفیر كا كہنا ہے كہ ان كا ملك اسلامی جمہوریہ ایران كو خطے میں اہم كردار ركھنے والا ملك سمجھتے ہے كیونكہ علاقائی مسائل كے حل ایران كی غیرموجودگی میں ناممكن ہے.