جمعه 10 فروردین 1403

14 August 2023

عراقی رضاکار فورس نے 30 داعش عناصر کو ہلاک کر دیا

عراقی رضاکار فورس نے 30 داعش عناصر کو ہلاک کر دیا


عراقی رضاکار فورسز نے داعش کے حملے کو پسپا کرکے 30 سے زائد دہشت گردوں کو ہلاک کردیا ہے۔

المیادین کے حوالے سے نقل کیا ہے کہ عراقی عوامی رضا کار فورسز نے مغربی موصل کے عین الحصان نامی علاقے میں داعش کے حملے کو پسپا کردیا ہے۔

عراقی عوامی فورس حشد الشعبی نے شامی سرحد کی طرف راستہ بنانے کی داعشی کوششوں کو ناکام بنا دیا ہے۔

رپورٹ کے مطابق، حشد الشعبی کی جوابی کارروائی میں کم سے کم 30 داعشی دہشت گرد ہلاک اور 7 بکتربند گاڑیاں بھی تباہ کردی گئی ہیں۔

واضح رہے کہ عراقی فوج نے مشرقی موصل آپریشن کے دوسرے مرحلے کا آغاز کردیا ہے۔

عراقی فوج نے موصل شہر کے اندر کئی کارروائیاں کرکے دہشت گردوں کو سخت نقصان پہنچایا ہے اور ان محلوں میں موجود سرکاری عمارتوں پر عراقی قومی پرچم لہرایا گیا ہے۔