افغانستان کے صوبہ زابل کے مقامی عہدیداروں کا کہنا ہے کہ یہ بم دھماکہ صوبہ زابل کے شہر قلات میں پولیس کے گشتی دستے کے راستے میں ہوا- اس دھماکے میں ایک پولیس اہلکار زخمی بھی ہوا ہے- ابھی تک کسی شخص یا گروہ نے اس دھماکے کی ذمہ داری قبول نہیں کی ہے-

افغانستان کی وزارت داخلہ نے بھی ہفتے کو ایک بیان جاری کرکے کہا ہے کہ صوبہ وردک میں طالبان کا ایک سینیئر کمانڈر ہلاک ہو گیا ہے- بیان میں کہا گیا ہے کہ فاروق نامی طالبان کے کمانڈر کو جلریزشہر میں جھڑپ کے دوران ہلاک کیا گیا- بتایا جاتا ہے کہ صوبہ وردک میں ہونے والے دہشت گردانہ بم دھماکوں کی منصوبہ بندی یہی طالبان کمانڈر کیا کرتا تھا۔