Əziz Peyğəmbərimizin (s) mübarək mövludu münasibətilə dünyanın hər yerində "Vəhdət həftəsi" adıyla müsəlmanlar müxtəlif bayram tədbirləri vә mərasimlər keçirirlәr.

Dəyərlər saytı BNA-ya istinadən xəbər verir ki, Əfqanıstanın Məzar Şərif şəhərində Həzrəti Məhəmmədin (s) mübarək mövludu münasibətilə 2-ci İslam Qardaşlığı Sərgisi keçirilib.

Tibyan mədəni sosial fəaliyyətlər mərkəzi tərəfindən keçirilən sərgidə rəngkarlıq, xəttatlıq, foto, qrafika və əl işləri sahələrində 150 sənətkarın əsərləri sərgi olunub. Bu sərgidə şiə və sünni mədəniyyət mərkəzlərinin sənət əsərləri 14 ekspozisiyada nümayiş olunub. Sərgi Vəhdət həftəsi ərzində Məzar Şərif şəhərinin Vəliyyiasr idman salonunda insanların ziyarəti üçün açıq olacaqdır.