Çoxsaylı müraciətləri nəzərdə alaraq, Ayətullahül-üzma Seyid Əli Xameneinin “Fiqh Risaləsi” çap edilir. Bütün Gürcüstan Müsəlmanları İdarəsindən aldığımız məlumata görə, bu dəyərli elmi-fiqhi əsərin çapı İran İslam Respublikasının Gürcüstandakı Nümayəndəliyi və BGMİ-nin əməkdaşlığı ilə baş tutub. Belə ki, BGMİ-nin sədri Hacı Ramin İgidov “Fiqh Risaləsi”nin 2000 ədəd çap ediləcəyini deyib. O, həmçinin artırıb: “Fiqh Risaləsinin Android variantı da hazırlanır. Dəyərli möminlər telefon vasitəsilə də, ondan istifadə edə biləcəklər. Ayətullahül-üzma Seyid Əli Xameneinin hökmlərindən ibarət bu əsərin Bakıda da çap olmazı nəzərdə tutulub.”
