Daim Əhli-Beytə (ə) öz sevgisi, ehtiramı və məhəbbəti ilə seçilən Azərbaycan xalqı Həzrət İmam Hüseynə (ə) xüsusi rəğbət göstərmişdir. Bu hər il Məhərrəm ayında ölkəmizin müxtəlif bölgələrində keçirilən qanvermə aksiyası, əzadarlıq məclisləri və ehsanlarla özünü daha qabarıq şəkildə biruzə verir.
Həmçinin, ilin müxtəlif zamanlarında Kərbəlaya İmam Hüseynin (ə) pak məzarını ziyarət etməyə yola düşən mömin insanlarımız öz eşqlərini bir daha sübut edirlər. Xüsusilə də, Ərbəin ziyarəti zamanı Azərbaycanlı zəvvarların fəallığı və eşqi diqqət cəlb edir. Şəkildə gördüyünüz Kərbəla səfərinə çıxan İmam Hüseyn (ə) aşiqlərinin məhəbbət təzahürüdür. Allah ziyarətlərinizi qəbul etsin!